जिन्दगीको रंग

गीत/शम्भु

जस्तो पोत्यो, उस्तै हुन्छ, जिन्दगीको रंग

रोए दुख्छ छाती हजुर, हाँसे उमंङ्ग...

हाँसीरहने हिमाललाई, बादलले नि छुन्छ

दाया तिर सुख हाँसे, बाँया दु:ख रुन्छ

न्यानो बिहान, दिउसो कडा, साँझ फिका घाम

कतै घात, कतै साथ, जिन्दगीको नाम...

कहिले काँही ढुङ्गा पनि, देउता बनिदिन्छ

कहिलेकाँही देउता पनि, ढुङ्गा बनिदिन्छ

हिउ छोए चिसो जिवन, आगो छोए तातो

सुख–दुःख दुइ पाइला, जिन्दगीको बाटो...

जस्तो पोत्यो, उस्तै हुन्छ, जिन्दगीको रंग

रोए दुख्छ छाती हजुर, हाँसे उमंङ्ग...

०३ माघ ०७०नयाँ बानेश्वर, काठमाडौँ